【屌，情人節呢個風打到黎喇！聰明既你記得今年遲一日慶祝】
嘟嘟嘟嘟嘟，歡迎收睇晚間新聞。有科學家預計明日將會出現每年一遇大災難，呼籲市民做好準備.....
睇返過往幾十年既市價波幅，每年一到2月14號就會發生大災難，名為「情人節」，情人節比起聖誕節既受災範圍更加大、損害更深。聖誕節既禮物可以9 hea，拎啲牙籤、紙巾、鍋蓋就包報紙送出去搏大抽獎冇人知，但情人節要同另一半交代，好多人口頭就話唔使禮物...實際上...
仲有呢日無論衣、食、住、行都會瘋狂加價，務求令大家既銀包喺呢日盡快乾塘。平時只係賣99蚊既常餐，只係加左幾塊法籍華裔既香草(法國名香港街市買)同埋一個喺12蚊店買既爛鬼蠟燭，就會變左做999蚊甜甜蜜蜜長長久久情人節燭光晚餐。總之乜野加上「情人節」呢個字就好似開左光咁，明明開天價都會比節日感薰陶，令啲人覺得好～正常。
不過近年個災難已經逐年嚴重，唔單止14號正日，連13號情人節前夕都避唔過呢場吹襲，好多野提早加價導致傷亡慘重。就算唔理價錢，人多都係一個問題，周圍既餐廳就算開到幾貴都一定會爆，唔講仲以為成條街搞緊免費大酬賓。嗰日個人放完工又攰又肚餓，買完禮物個心好似比人斬開一半咁，冇曬基本思考意識，見到有野食既香味就隨便走入去，結果未到月尾就見底。
所以為左對抗萬惡既情人節有咩方法？
早啲準備！你明知鋪頭會喺情人節加價，點解仲要on99比佢湯到一頸血呢？佢地咪就係睇準大家臨急抱佛腳既心態囉。仲有其實自己整禮物仲有心意，唔一定買既，如果比著我受到你花心機同時間整既禮物更加開心添呀🌝
至於幾時慶祝情人節？diu老hi都15號啦，今年年三十晚叫埋女朋友返屋企食飯，令佢覺得你重視佢，地位上升左，又可以慳返一大筆，到時佢仲開心過情人節食！！！學識未？
Search